Жазғы демалысты ұйымдастыру бойынша дайындық жұмыстары шеңберінде 2014 жылы 29 сәуір күні облыстық «Еуразия» балалар-жасөспірімдер туризм және экология орталығының базасында білім бөлімдерінің жазғы демалысты ұйымдастыру мәселесіне жетекшілік ететін мамандары, әдіскерлері мен барлық түрдегі лагерьлер басшылары үшін балалардың демалысын, сауықтырылуын және жұмыспен қамтылуын ұйымдастыру бойынша облыстық семинар ұйымдастырылды.

Семинарға облыстық прокуратура, ішкі істер, төтенше жағдайлар, тұтынушылардың құқықтарын қорғау департаменті және суда құтқару қызметінің мамандары қатысты.

Семинар барысында Ақжайық ауданының білім бөлімінің маманы Ш.Альсеитова жазғы демалысты ұйымдастыру бойынша дайындаған мониторингімен және Ақжайық ауданының балалар шығармашылық орталығы Шалқар көлі жағасында орналасқан «Ақ шағала» сауықтыру лагері, Тасқала ауданының Ы.Алтынсарин жалпы орта білім беретін мектеп жанындағы «Жас ұлан» әскери-патриоттық лагері, Бөрлі ауданы жас туристер станциясының «Жас турист» лагері және «Жігер» әскери-патриоттық лагерьлері өздерінің іс-тәжірибесімен бөлісті.