2014 жылдың 22 сәуірінде Орал политехникалық колледжі базасында «Техникалық және кәсіптік білімді жаңғыртудағы инновациялық технологияларды енгізу жолдары» атты Халықаралық тәжірибе алмасу семинары оздырылды.

Халықаралық тәжірибе алмасу семинарының мақсаты: «Техникалық және кәсіптік білім беруді жаңғырту» жобасының Институционалды даму жоспарын жүзеге асыру және инновациялық технологияларды қолдана отырып, оқу үдерісін ұйымдастыру жұмыстары бойынша өзара тәжірибе алмасу.

Кеңейтілген мәжілісте Саратов, Самара және Ақтөбе, Атырау облыстарының техникалық және кәсіптік білім беру ұйымдарының өкілдері қатысты.

Семинардың секциялық жұмыстарында «Газэлектрмен дәнекерлеуші» мамандығы бойынша, «Ауылшаруашылығы» және «Ақпараттық жүйе» мамандықтары бойынша өндірістік оқу шеберлері мен арнайы пән оқытушыларының шығармашылық жұмыстары мен шеберлік – сыныптары көрсетілді.

Семинар барысында екі жақты және үш жақты Келісімдерге (Меморандумдарға) қол қойылды.