2014 жылдың 22 сәуірінде Зеленов ауданы Достық жалпы орта білім беретін мектеп базасында аудандық (қалалық) білім беру бөлімдерінің әлеуметтік-психологиялық қызмет жөніндегі әдіскерлері мен облыс мектептерінің психологтарына арналған «Білім беру мекемелеріндегі әлеуметтік-психологиялық қызметтің жұмысы туралы» семинар ұйымдастырылды.

Педагог-психологтар отбасылармен ағартушылық және кеңес берушілік жұмысты белсендіру, өмірдің қиын жағдайына тап болған балалармен жұмыс, тұрмыстық зорлық-зомбылықтың алдын алу, балалар мен жасөспірімдердің бойында позитивті өмірлік ұстанымын қалыптастыру, балалар мен жасөспірімдердің деструктивтік ағымдарға тартылуының алдын алу, жетім, ата-анасының қамқорлығынсыз қалған балалар және даму мүмкіндігі шектеулі балалармен жұмыстанудағы психологтың атқаратын қызметі туралы өз ойларын ортаға салды.

Семинардың теориялық бөлімінде педагог-психологтар өз тәжірибелерімен бөлісіп, практикалық бөлімінде ұсынылған тақырыптар бойынша жоба қорғап, ұсыныстар қабылдады.