«Былғары доп» турнирі |
Балалар мен жасөспірімдер футболын дамыту, өскелең ұрпақты спортқа, сауықтыруға, дене шынықтыруға баулу мақсатында футболдан «Былғары доп» республикалық балалар-жасөспірімдер турнирінің облыстық кезеңі басталды. Аталған турнир облыстық дене шынықтыру және спорт басқармасы, білім басқармасының қолдауымен «Өркен» қосымша білім беру орталығының ұйымдастыруымен өтуде. Ағымдағы жылдың 17-21 сәуір аралығында Орал қаласының «Ақжайық» футбол клубы стадионында 1999-2000 жылы туған жасөспірімдер арасында өткен турнирге 8 команда қатысты. Турнирдің қорытындысы бойынша командалық есепте І - орынды Батыс Қазақстан облысының дарынды балаларға арналған қазақ-түрік мамандандырылған мектеп-лицей-интернатының командасы, ІІ - орынды Теректі ауданының Федоровка жалпы орта білім беретін мектебінің командасы, ІІІ - орынды Казталов ауданының Казталов жалпы орта білім беретін мектебінің командасы иеленді. Барлық жеңімпаз командалар білім басқармасының кубогі және дипломдарымен марапатталса, «Coca-Cola» компаниясының атынан барлық қатысушы командаларға футбол доптары сыйға берілді. Футболдан «Былғары доп» турнирінің облыстық кезеңінің ережесіне сәйкес 2001-2002 жылы туған жасөсіпірімдер арасында турнир ағымдағы жылдың 16-21 мамыр аралығында және 2003-2004 жылы туған жасөспірімдер арасында 10-15 маусым аралығында өткізіледі. |