Облыстық «Алау» әскери-спорттық ойыны |
Білім басқармасының жоспарына сәйкес білім беру мекемелерінде патриоттық қозғалыстардың баршаға танымдылығын және әскери қызметтің абыройын көтеру, жастардың әскери-спорттық тәрбиесін одан әрі жетілдіру және өскелең ұрпақты Қазақстан Республикасының Қарулы Күштері қатарында әскери борышын өтеуге даярлау мақсатында ағымдағы жылдың 18-20 сәуір аралығында Орал қаласының №44 жалпы орта білім беретін мектебінің базасында, облыстық «Алау» әскери-спорттық ойыны оздырылды. Ойынға аудан (қала), облыстық мектептерден 12 команда, жалпы 108 оқушы қатысты. Ойынның ережесі бойынша командалар саптық байқау, атыс дайындығы, «Ерлікке жүрекпен ұмтылу!», біріктірілген эстафета, «Атамекен» өлкетану-зерттеу бағдарламасы бойынша байқауларынан сынға түсті. Ойынның қорытындысы бойынша І- орынды Ақжайық ауданының М.Әуезов атындағы жалпы орта білім беретін мектебінің «Сұңқар» командасы, ІІ- орынды Орал қаласының №41 жаратылыстану-математика бағытындағы мектеп-лицейінің «Ақжайық арландары» командасы, ІІІ-орынды Зеленов ауданының Трекин жалпы орта білім беретін қазақ мектебінің «Жас Қыран» командасы иеленді. Барлық жеңімпаздар білім басқармасының және қорғаныс істері жөніндегі департаментінің дипломдары және кубоктерімен марапатталды. |