Техникалық және кәсіптік білім беруде озат тәжірибелері бар шығармашыл инженер-педагогтардың әдістемелік тәжірибелерін жинақтау, үздік әдістемелік идеяларды анықтау, педагогикалық шығармашылығына  қолдау көрсету мақсатында  2014  жылдың  28 наурызында  Орал «Сервис» технологиялық колледжі базасында техникалық және кәсіптік білім беру ұйымдары инженер-педагогтарының арасындағы «Әдістемелік идеялар фестивалі» облыстық байқауы оздырылды.

Облыстық байқау екі кезеңнен өткізілді. Байқаудың I-ші іректеу кезеңінен өткен қатысушылар II кезеңге жіберілді.  ІІ кезең үш турдан тұрды. 1 тур – Әдістемелік идеяларды презентациялау, 2 тур - Сын сағат, 3 тур – Шығармашылық көрме.

Облыстық байқаудың қорытындысы бойынша Батыс Қазақстан облысы білім басқармасының дипломдары және грамоталарымен техникалық және кәсіптік білім беру ұйымдарының төмендегі инженер-педагогтары марапатталды:

І орын – Ажар Батырбайқызы Сарсенгалиева (Ж.Досмұхамедов атындағы педагогикалық колледжі);
ІІ орын – Индира Мустажапқызы Баймолдина (Теректі  колледжі);
ІІІ орын – Айымгүл Төлегенқызы Халиуллина (Батыс Қазақстан индустриалды колледжі);
ІІІ орын – Галия Мадиқызы Давлетова (Орал «Сервис» технологиялық колледжі);

«Ізденімпаз» номинациясы бойынша - Валентина Владимировна Кучканова (Орал газ, мұнай және салалық технологиялар колледжі);
«Шығармашыл тұлға» номинациясы бойынша - Гүлшат Серікбайқызы Суюнова (Технологиялық колледжі).

Мектепке дейінгі, жалпы орта,
техникалық және кәсіптік білім
беру ұйымдарының облыстық
оқу-әдістемелік кабинеті