2014 жылдың 27-28 наурызында Самара облысының білім беру басқармасының, Самара облысы Білім және ғылым министрлігінің қолдауымен Самара қаласының №4 мектеп- интернатында есту қабілеті бұзылған балаларға арналған Театрлар мен сән студияларының «DEAFILЕ» ІІІ халықаралық фестиваль - байқауы өтті.

Фестивальға Орал, Самара, Тольятти, Энгельс, Краснодар, Орынбор, Пенза, Смоленск, Мурманск, Киров, Рязань, Уфа, Бугульма қалаларының ұжымдары қатысты. Байқау 3 номинация бойынша өтті. «Этностиль», «Костюм - шығармашылық идея» және модельдер байқауы.

Облыстық есту және сөйлеу қабілеті бұзылған балаларға арналған мектеп – интернат-кешенінің тәрбиеленушілері байқауда мектепішілік «Сымбат» сән театрының сән топтамасын көрсетіп, әр түрлі номинация бойынша екі жүлделі орынды иеленді.

«Этностиль» номинациясы бойынша «Ғасырлар дәстүрі» атты киім топтамасы ІІ орынды иеленді.

Костюм – шығармашылық идея» номинациясы бойынша киізден тігілген киімдер топтамасымен ІІ орын алды.

Ұлттық киім үлгісінің үздік таныстырылымы үшін мектеп-интернаттың тәрбиеленушісі Елдосова Динара дипломмен марапатталды.