Облыстық білім басқармасы мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинеті мен Ж.Досмұхамедов атындағы Орал педагогикалық колледж ұйымының бірлескен жұмыс жоспары бойынша 2014 жылдың 25 ақпаны күні Бөкей ордасы ауданына әдістемелік көмек көрсету мақсатында педагогикалық десант ұйымдастырылды.

Семинар М.Маметова және М.С.Бабажанов атындағы мектептер базасында ұйымдастырылды.

Семинар барысында мұғалімдер мектепке дейінгі ұйым, бастауыш сынып, орыс тілі, ағылшын тілі, информатика, математика, физика, биология, химия, тарих пәндері бойынша секцияларда жұмыстанды. Секция жұмыстарында психологиялық тренингтер, шеберлік сыныптар өткізілді. Химия, биология, физика, тарих пәндері бойынша «ОЖСБ-ға және ҰБТ-ға дайындалудың тиімді жолдары» тақырыбында мұғалімдер ой бөліссе, математика пәні бойынша мұғалімдер арасында шығармашылық конкурс өткізіліп, нәтижесінде Жәңгір хан атындағы жалпы орта білім беретін мектептің мұғалімі Р.А.Шанауов жүлделі І орынға ие болды. Конкурс соңында есептер талданып, ҰБТ-да кездесетін күрделілігі жоғары есептердің тиімді жолдары қарастырылды.

Семинар соңында қатысушылар өз пікірлерімен және алған әсерлерімен бөлісті.