2014 жылдың 17 ақпанында Ресей Федерациясының Самара қаласының №4 арнаулы мектеп – интернаты жанынан арнаулы - түзету мекемесінің есту қабілеті бұзылған оқушылар арасында халықаралық қашықтық олимпиада ұйымдастырылды.

Қашықтық олимпиадаға Батыс Қазақстан облысы есту және сөйлеу қабілеті бұзылған балаларға арналған мектеп – интернат – кешенінен 14 оқушы қатысты. Олимпиадада жалпыға бірдей міндетті оқу пәндерінің ғылыми білімін насихаттау және  оқушылардың қабілетін дамытуға жағдай жасау, есту қабілеті бұзылған оқушылармен және арнаулы мекемеде жұмыс жасайтын мұғалімдермен іс тәжірибе алмасуды, шығармашыл ұстазды табуды негізгі міндеттер етіп алды.

Олимпиада қорытындысында Батыс Қазақстан облысы есту және сөйлеу қабілеті бұзылған балаларға арналған мектеп – интернат – кешенінің 10 тәрбиеленушісі жүлделі орынға ие болды (қатысушылардың 71% -ы).

Бисен Айкөркем – математика пәнінен (5 сынып) және Камалиева Жибек - есту қабілетін дамыту пәнінен Ι орынды (10 сынып) иеленсе, қалған оқушылар әр түрлі пәндер бойынша ΙΙ – орынды (4 оқушы) және ΙΙΙ – орынды (4 оқушы) иеленіп жақсы нәтижелер көрсетті.