2014 жылдың 6 ақпанында Орал гуманитарлық колледжі базасында Техникалық және кәсіптік білім беру ұйымдарының оқу-әдістемелік кабинеті мен ТжКББҰ директорлары оқу ісі жөніндегі орынбасарларының облыстық әдістемелік бірлестік жетекшісінің жоспарына сәйкес «ТжКББҰ-да түлектердің жоғары оқу орындарына түсуге арналған тесттік жиынтығын (КТА) тапсыруды ұйымдастыру мәелелері мен дайындығы» атты практикалық семинары оздырылды.

Семинардың мақсаты: бүгінгі таңда техникалық және кәсіптік білім беру ұйымдарында колледж түлектерің кешенді тестілеуге (КТА) дайындаудың өзектілігі мен оның шешу жолдарын іздестіру, тиімді жүйесін қалыптастыру.

Семинарға ТжКББҰ-ның оқу ісі жөніндегі орынбасарлары және КТА бойынша биылғы оқу жылындағы өзгерістер туралы БҚМУ-нің қабылдау комиссиясының жауапты хатшысы А.Аманбаев, облыстық оқу-әдістемелік кабинетінің директоры А.Хамзина, директордың оқу ісі жөніндегі орынбасарларының бірлестік жетекшісі Ж.Бисалиева қатысып, бүгінгі таңда ТжКББҰ-да колледж түлектерін кешенді тестлеуге даярлаудың өзекті мәселелері мен проблемаларын талқылады. Сонымен қатар, КТА дайындықтың тиімді жолдары мен шешу жолдарын қарастырды.

БҚМУ-нің қабылдау комиссиясының жауапты хатшысы А.Аманбаев өз сөзінде, кешенді тестілеудің барысы туралы атап өтті.

Семинар барысында қозғалған тағыда бір маңызды сұрақ ол колледж түлектеріне арналған даярлық топтарын бөлек ұйымдастыру қажеттілігі, колледж базаларында өткізуге болатындығы туралы айтып өтті.

Техникалық және кәсіптік білім беру ұйымдарында колледж түлектерің кешенді тестілеуге (КТА) дайындаудың жолдарын шешуге байланысты өткізілген оқыту семинар жұмысы соңында сауалнама жүргізіліп, әдістемелік ұсыныстар  таратылды.

ТжКББҰ облыстық оқу-әдістемелік кабинеті