Батыс Қазақстан облысы білім басқармасы мен мектепке дейінгі, жалпы орта, техникалық және кәсіптік білім беру ұйымдары облыстық оқу – әдістемелік кабинетінің жоспарына сай ағымдағы жылдың 7 ақпанында ҰБТ–ға психологиялық қолдау, ата-ана, оқушы, мұғалім арасындағы қарым – қатынасты нығайту, оқушылардың өзіне деген сенімділігін арттыру мақсатында «Оқушының ҰБТ–ға психологиялық дайындық ерекшеліктері» атты облыстық семинар – кеңес өткізілді. Семинарға облыстық, аудандық (қалалық) білім беру ұйымдарының педагог – психологтары, сынып жетекшілері мен оқушылары қатынасты.

Семинар барысында жобалық тесттер мен түзету – дамыту тренингтері жүргізіліп, оқушыларға, педагогтарға психологиялық кеңестер берілді. Атап айтқанда, Орал қаласының №2 ЖОББМ педагог – психологы У.Сатыбалдиева, №12 ЖОББМ педагог – психологы Б.Ахметжан, №41 жаратылыстану – математика бағытындағы мектеп – лицейінің педагог – психологы С.Тажен және Зеленов ауданы Достық ЖОББМ педагог – психлогы Н.Қуанышалиевалар оқушылармен және педагогтармен жүргізілетін түзету - дамыту жұмыстарын ортаға салды.

Семинар соңында қатысушылар өз ойларымен бөлісіп, пікір алмасып, ұсыныстар қабылдады.