Білім басқармасының жұмыс жоспарына сәйкес және Балаларды мектепке дейінгі тәрбиемен және оқытумен қамтамасыз ету жөніндегі 2010-2020 жылдарға арналған «Балапан» бағдарламасын орындау мақсатында 2014 жылдың 30 қаңтарында Орал қаласының «Талап» АҚ гимназиясының шағын орталығының мектепке дейінгі жеке меншік ұйымдардың басшыларына арналған «Жеке меншік мектепке дейінгі ұйымдарда жұмыстың  ұйымдастырылуы» тақырыбында облыстық семинар өткізілді.

Семинарға облыстағы жеке мектепке дейінгі ұйымдарының басшылары және балабақша ашуға ниет білдірген кәсіпкерлерімен аудандық (қалалық) әдістемелік кабинетінің меңгерушілері қатысты.

Семинардың басты мақсаты мектепке дейінгі жеке меншік ұйымдарда оқу-тәрбие үрдісін ұйымдастыруда әдістемелік көмек көрсетумен бірге жаңадан ашылатын жеке балабақшаларға түсіндіру жұмыстары жүргізілді.

Шағын орталық жағдайындағы балалардың гендерлік тәрбиесі, «Менің тұмарым» тақырыбындағы ата-аналарға арналған шеберлік кластар, «Балаларға арналған йога» сауықтыру-шынықтыру шаралары көрсетілді.

Семинар соңында Орал қаласының мемлекеттік мектепке дейінгі ұйымдарының басшылары әріптестерін құттықтап, олардың жұмыстарына сәттілік тілей отырып, өздерінің тарапынан көмек көрсету мақсатында жеке мектепке дейінгі ұйымдарының басшыларын бірге жұмыстануға шақырып, қамқорлыққа алды.