Батыс Қазақстан облысы білім баскармасы мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес 2014 жылдың 28 қаңтарында Орал қаласы №42 «Ақ ниет» гимназиясының базасында математика, физика, информатика пәндері мұғалімдерінің арасында «Оқытудың жаңа әдістері мен түрлері» тақырыбындағы облыстық коучинг оздырылды.

Коучинг физико-математикалық бағыттағы мұғалімдерінің оқу қызметін ұйымдастырудың жаңа түрлерімен таныстырып, коллаборативті ортада «Lesson Study» жүргізуге үйрету мақсатында өткізілді.

Коучинг жұмысына Орал қаласы педагогикалық шеберлік орталығы филиалының бас менеджері Обыденкина Л.В., аудандық, қалалық және облыстық мектептеріндегі математика, физика, информатика пәндерінің мұғалімдері қатысты.

Коучинг  екі бөлімінен тұрды: теориялық және практикалық. Бұл бөлімдерді Кембридж бағдарламасының Қазақстандық үлгісі бойынша І деңгей біліктілігін арттыру курсынан өткен мұғалімдер өткізді. Теориялық бөлімінде қатысушылар үш деңгейлік курстар туралы ақпаратпен, «ҚР педагог мамандарының біліктілігін көтеру курстары бағдарламасының жеті модулімен», «Lesson Study» оқытудың жаңа үрдісімен танысты.

Практикалық бөлімде қатысушылар үш секцияларға бөлініп жұмыстанды. Секция отырысында психологиялық тренингтер жүргізілді. Әрбір секцияда мұғалімдер топтарға  бөлініп, «Lesson Study» тәсілін қолдануды үйренді, бірігіп тақырыбын таңдай отырып, оқу процесіндегі бақылау мен сараптамаларды ескере отырып сабақтың оқыту, бақылау және талдау бағыттарын жоспарлады. Коучинг соңында қатысушылар өз әдістемелік қоржындарын дайын құрылған жеті модульді бағдарлама бойынша сабақ жоспарларымен толықтырды.