Батыс Қазақстан облысы білім басқармасы мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің жоспарына сай ағымдағы жылдың 27 қаңтары күні жалпы орта білім беретін мектептердің қазақ тілі мен әдебиеті пәндері мұғалімдеріне «On-line» режимінде Қадыр Мырза Әлі шығармашылығына арналған «Жалғыз едім өспей қойған атадан, Жоғалуға қақым жоқ-ты сондықтан!» тақырыбында дәстүрге айналған ІІ облыстық әдеби конференция өткізілді.

Әдеби конференцияға жалпы орта білім беретін оқу орындарының қазақ тілі мен әдебиеті пәндерінің мұғалімдері, әдіскерлері қатысты.

Әдеби конференцияға ұсынылған баяндамаларда Қадыр Қырза Әлі шығармашылығын оқыту бойынша маңызды мәселелер, ақын шығармашылығын оқытуды теориялық деңгейлеріне талдама жасады.

Конференцияны М.Өтемісов атындағы БҚМУ филология ғылымдарының кандидаты, доцент С.Ғ.Шарабасов ашып, ақын шығармашылығына талдама жасап, конференция жұмысына сәттілік тіледі.

Конференцияға 14 жұмыс ұсынылды. Аудандар «On-line» режимінде қосылып, ұсынылған жұмыстарды тыңдады.

Қорытындысында қатынасушы мұғалімдер өз пікірлерін айтып, үздік баяндамаларды анықтады.