Қазақстан Республикасының Президенті Н.Ә.Назарбаевтың «Қазақстан жолы-2050. Бір мақсат, бір мүдде, бір болашақ» аты Қазақстан халқына Жолдауын орындау шеңберінде 2014 жылы 23 қаңтар күні Орал қаласындағы ФМБ Назарбаев Зияткерлік мектебі базасында жетім және ата-анасының қамқорлығынсыз қалған, даму мүмкіндігі шектеулі балаларға арналған мекемелердің, сауықтыру мектеп-интернаты және кәмелетке толмағандарды бейімдеу орталығының басшылары, басшының орынбасарлары мен психологтары үшін интернаттық мекемелердің тәрбиеленушілерінің бейімделуі мен оңалтылуы және ұжымды басқару жүйесін жетілдіру бойынша семинар-практикум ұйымдастырылды.

Семинар жұмысы шеңберінде Қазақстан Республикасының Президенті Н.Ә.Назарбаевтың Қазақстан халқына Жолдауындағы үздік ұлттық инновациялық білім беру жүйесін қалыптастырудың негізгі бағыты, соның ішінде ұлттық білім беруді дамытудағы Назарбаев Зияткерлік мектептерінің рөлі талданды.

Семинарға қатысушылар Назарбаев Зияткерлік мектебінің педагогтары мен оқушыларының бірқатар әлеуметтік жобаларымен танысты.

Білім беру мекемесін жетілдіру және топты ұйымдастыруда көшбасшының рөлін анықтау жұмыстың басты бағыты болды.

Семинар жұмысына білім беру мекемелері әкімшілігінің 27 өкілі және 7 психологы қатысты.