Жалпы білім беретін пәндер бойынша оқушылардың Республикалық олимпиадасы жалпы білім беретін және мамандандырылған мектептер оқушыларының арасында өткізілді.

Биылғы жылы облыстық кезеңге 13 пән бойынша аудандар мен Орал қаласының жалпы білім беретін мектептері, мамандандырылған мектептерден барлығы 384 оқушы қатысты.

Олимпиаданың жабылу салтанатына облыс әкімінің орынбасары Б.Мәкен қатысып оқушыларды құттықтады.

Олимпиаданың қазылар алқасына облыстың жоғары оқу орындарының ғылыми-педагогикалық кадрлары, әдіскерлер, жоғары біліктілігі, ғылыми дәрежесі және олимпиада қатысушыларымен жұмыс тәжірибесі бар оқытушылар тартылды.

Олимпиаданың облыстық кезеңі төртінші  жыл қатарынан Қазақстанның инновациалық және телекоммуникациялық жүйелер университетінің базасында өткізіліп келеді.

Олимпиаданың үшінші кезеңінің тапсырмалары «Дарын» Республикалық ғылыми-практикалық орталығының оқу-әдістемелік кеңесімен  дайындалған. Әр пән тапсырмалары бар конверттер тура аудиторияларда ашылды.

Олимпиаданың республикалық кезеңі наурыз айында жаратылыстану-математика бағытындағы  пәндер бойынша  Өскемен  қаласында, ал гуманитарлық пәндер бойынша – Шымкент  қаласында өткізіледі.

Барлық қатысқан оқушы саны-384, жүлдегерлер саны -204, бұл барлық қатысушылардың 53,1% құрайды.

Соның ішінде аудан (қала) мектептерінен қатысқан оқушылар саны-243, жүлдегерлер саны-117, бұл барлық қатысушылардың 48 % құрайды.

Облыстық мектептерден қатысқан оқушылар саны-141, жүлдегерлер саны-87, бұл барлық қатысушылардың 62 % құрайды.