Ағымдағы жылдың 20 қарашасында облыстық білім басқармасы және облыстық оқу-әдістемелік кабинетінің арнайы түзеу, инклюзивті, қосымша білімді дамыту және тәрбие жұмысы бөлімінің ұйымдастыруымен «Үздік қосымша білім беру ұйымы» облыстық байқауы өткізілді. Байқауға 11 ауданнан және Орал қаласынан қосымша білім беру ұйымдары қатысты.

Мақсаты: қосымша білім беретін ұйымдардың жасөспірімдер мен жастарды тәрбиелеудегі рөлін арттыру, олардың жүйесін сақтау және дамыту, материалдық базасын нығайту, озат педагогикалық ұжымдарды анықтау және олардың тәжірибесін насихаттау.

Әділқазылар алқасының шешімі негізінде:
Бас жүлде – Орал қаласы мектептен тыс жұмыстары орталығы;
І орын – Бөрлі ауданы Ақсай қаласының балалар саз мектебі;
ІI орын – Жаңақала ауданы мектептен тыс жұмыстары орталығы;
ІІІ орын – Зеленов ауданы балалар-жасөспірімдер туризмі және экология орталығы.

Номинация иегерлері:
«Шығармашылықпен жұмыстанатын ұйым» Жәнібек ауданы мектептен тыс жұмыстары орталығы;
«Нәтижеге бағытталған ұйым» Теректі ауданы «Теректім» балалар спорт клубы.

Байқау жеңімпаздары дипломдар және бағалы сыйлықтармен марапатталды.