Батыс Қазақстан облысы білім басқармасы мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің ұйымдастыруымен филологтардың I республикалық съезінің қарарын орындау жоспарына cәйкес ағымдағы жылдың 2013 жылдың 27 қараша күні Орал қаласы № 35 мектеп-лицейі базасында өтетін орыс және аралас тілді мектептердегі өзге ұлт өкілдеріне қазақ тілін меңгерту бағытында атқарылып жатқан жұмысты саралау, талдау және жұмысты жүйелеу бағытында «Қазақ тілін Еуростандартқа сай оқытудың тиімділігі: мәселелер, ізденістер, тәжірибе» тақырыбында облыстық практикалық конференция өткізілді.

Конференцияның мақсаты: мұғалімдердің педагогикалық шеберлігін үздіксіз дамыту, оқушылардың функционалдық сауаттылығын арттыруда қолданылатын әдіс-тәсілдердің тиімділігін арттыру, орыс және аралас тілді мектептердегі өзге ұлт өкілдеріне қазақ тілін меңгерту бағытында атқарылып жатқан жұмысты саралау, талдау және жұмысты жүйелеу.

Конференция теориялық және практикалық  түрде ұйымдастырылды. Теориялық бөлімінде Орал қаласының №35 мектеп-лицей мұғалімдері өз тәжірибелерімен бөлісіп, қазақ тілін оқытудағы жаңа технологиялар, тілді меңгертудегі жаңаша тәсілдер, оқытудағы талаптар мен мүмкіндіктер туралы пікір айтып, шеберлік сыныптарын көрсетті.

Практикалық бөлімінде облыс мұғалімдері орыс және аралас тілді мектептердегі қазақ тілінің берілу сапасы, бүгіні мен болашағы, қиындық туғызып отырған мәселелер төңірегінде сөз қозғап, өз тәжірибелерімен бөлісті.