Батыс Қазақстан облысы білім баскармасы мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес 2013 жылдың 27 қарашасында М.Өтемісов атындағы облыстық сауықтыру мектеп-интернатының базасында математика пәні мұғалімдерінің арасында облыстық «Математикалық регата» турнирі оздырылды.

Турнир шығармашылықпен жұмыс жасайтын педагогтарды анықтау, қолдау және мәртебесін көтеру мақсатында өткізілді. Білім сайысына аудандық (қалалық), облыстық мектептерден барлығы 18 топ қатысты.

Қазылар алқасы мүшелерінің шешімі бойынша облыстық турнирдің І орын иегері Тасқала ауданының «Квант» тобы жеңіп алса, ІІ жүлделі орынды оқыту орыс тілінде жүргізілетін қала мектептерінің «Косинус» құрама тобы, ал ІІІ орынды Жәнібек ауданының «Зерде» және «Орал КТЛ» облыстық дарынды балаларға арналған қазақ-түрік мамандандырылған мектеп-лицей-интернатының топтары өзара бөлісті. Турнир барысында қүрделі есептерді шығаруда түрлі амал- тәсілдерді қолданып, ерекше шығармашылықпен көзге түскен дарынды балаларға арналған  мамандандырылған С.Сейфуллин атындағы №11 облыстық қазақ мектеп - интернат кешенінің «West-logic» тобына «Эрудит ұшқыр ойлы тобы», Бөрлі ауданының «Константа» тобына «Тапқырлар тобы»,  Зеленов ауданының «Алгоритм» тобына «Білімге құштарлық», оқыту қазақ тілінде жүргізілетін қала мектептерінің «Синус» құрама тобына «Жеңіске жігерлігі үшін», Теректі ауданының «Фортуна» тобына «Ең ұйымшыл топ» номинациялары берілді.