2013 жылдың 30 қазанында білім басқармасы мен мектепке дейінгі, жалпы орта, техникалық және кәсіптік білім беру ұйымдарының облыстық оқу – әдістемелік кабинетінің арнайы түзеу, инклюзивті, қосымша білімді дамыту және тәрбие жұмысы бөлімінің ұйымдастыруымен облыстың жалпы білім беретін мектептерінің ұстаздары мен ата – аналарына арналған «Жасөспірімдер арасында өз – өзіне қол жұмсаушылық әрекеттерінің алдын алу» атты онлайн семинар – кеңесі өтті.

Семинар – кеңеске облыстық денсаулық сақтау орталығының психолог мамандары және облыстық білім беру мекемелерінің педагог – психологтар, әлеуметтік педагогтар, ата –аналар және ұстаздар қатысты.

Облыстық денсаулық сақтау орталығының психологмамандары О.В.Чижова мен Д.Ш.Шангереева  жасөспірімдердің өз - өзіне қол жұмсаудың алдын алу туралыөз ойларын ортаға салды. Семинарға қатысушыларға жасөспірімдер арасындағы суицид бойынша статистикалық мәліметтер және оның себептері мен алдын алу шаралары туралы кеңестер берілді, жасөспірімдер депрессиясының алдын алудағы ата-ана міндеті, суицицдке ұмтылған балалармен  жеке жұмыс мәселелері талқыланды.

Технологиялық колледжінің психологы Р.Құрмашева «Психологиялық жасты анықтайық» атты психологиялық тест, жетім және ата-анасынан қамқорсыз қалған балаларға арналған №15 облыстық  көмекші мектеп – интернатының психологы А.Насырова «Мен бұл әлемдемін» атты тренинг жаттығуын жүргізді.