2012 жылғы қарашадан 2013 жылғы қазан аралығында спорттық туризм бойынша ҚР Кубогы үшін 6 кезеңнен көпсайысты туристік жарыс өткізілді. Ағымдағы жылғы 16-20 қазанда Шымкент қаласында Кубоктың соңғы қорытынды кезеңі өткізілді, оған БҚО құрама командасы төмендегідей жақсы нәтижелермен жетті:

- 1 кезең «Іздеу-құтқару жұмыстары бойынша жарыста» - 2 орын,
- 2 кезең «Жасанды рельефтегі тау туризмі бойынша жарыста» - 1 орын,
- 3 кезең «Шаңғы туризмі техникасы бойынша жарыста» - 1 орын,
- 4 кезең «Табиғи рельефтегі тау туризмі бойынша жарыста» - 2 орын,
- 5 кезең «Жаяу туризм бойынша жарыста» - 2 орын.
- 6 кезең «Біріккен туризм бойынша жарыс» - 1 орын.

Біріккен туризм бойынша жарыс табиғаттың төтенше жағдайлар кезіндегі білімін, іс-әрекетін, қызмет дағдыларын қалыптастыру, туристік жорықтар мен саяхаттардың қауіпсіздігін күшейту, күшті командаларды айқындау мақсатында өткізілді. 2013 жылдың жалпыкомандалық қорытындысында спорттық туризм бойынша ҚР Кубогы үшін өткізілген жарыста «Батыс-West 2» жалпыкомандалық І орын алды.

БҚО құрама командасы тек командалық сынақта ғана емес, жеке сынақта да жақсы нәтижелер көрсетті. Команда капитаны Темірбаев Аманер 1 орын, команданың негізгі қатысушысы Нұрсайынов Замир ер балалар арасында жеке сынақта 2 орын, Таржманова Ботагөз қыздар арасында жеке сынақта 2 орын алды.