Ағымдағы жылғы 3 қазан күні Орал ақпараттық технологиялар колледжі базасында облыстың білім беру саласындағы қызметкерлерімен «Қазақстан – 2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауының негізгі бағыттарын түсіндіру бойынша ҚР Білім және ғылым министрлігінің жауапты хатшысы Ә.Қ. Галимовамен кездесу өткізілді.

Кеңес жұмысына БҚО білім саласындағы бақылау департаменті директоры С.М.Бахишева, БҚО бойынша жастар саясаты басқармасының басшысы С.Б.Молдағалиев, колледждердің, облыстық және қалалық мектептердің директорлары, мектепке дейінгі ұйымдардың меңгерушілері, қосымша және арнайы білім беру ұйымдарының басшылары қатысты.

Кеңеске қатысушылармен дуальдық жүйе бойынша оқытуда оқу орталықтарында лицензияның болуы, мектептегі сынып жетекшілер жеке штат бірлігін енгізу, жалпы орта білім беретін мектептерде, кәсіптік және техникалық білім беретін ұйымдарында даму шектеулі балаларды түзеу бойынша қолдау көрсету үшін білім беру қызметкерлерінің және оларға теңестірілген тұлғалардың қолданыстағы типтік штатына толықтырулар енгізу, білім беру қызметкерлерінің еңбекақысын көтеру және т.б. мәселелер талқыланды.

2013 жылғы 4 қазанда Ә.Қ. Галимова Теректі ауданының Подстепное ауылындағы білім беру ұйымдарының педагогикалық ұжымымен кездесті.

Галимова Ә.Қ. Орал қаласындағы физика-математика бағытындағы Назарбаев Зияткерлік мектебімен, Теректі ауданындағы «Бәйтерек» мектепке дейінгі ұйымымен, балалар мен жасөспірімдер туризм және экология облыстық орталығымен танысты.