2013 жылғы 1 қазан күні облыстық қазақ драма театрында Ұстаздар күні мерекесіне арналған «Ұстаздық еткен жалықпас...» тақырыбында бал өткізіледі.

Салтанатты шараға Батыс Қазақстан облысының әкімі, облыстық мәслихаттың хатшысы және депутаттары, облыс әкімі аппаратының басшысы және орынбасарлары, облыстық басқармалардың және құқық қорғау органдарының басшылары, ЖОО ректорлары, облыстық білім және ғылым қызметкерлері кәсіподақ комитетінің өкілі, педагогикалық еңбек ардагерлері, білім беру бөлімдерінің және мектеп басшылары және орынбасарлары, мұғалімдер, жас мамандар, бұқаралық ақпарат құралдарының өкілдері қатысады.

Мерекелік балда мектептердің, колледждердің үздік басшылары мен орынбасарларын, мұғалімдерді, жас мамандарды және облыстық білім беру ұйымдарына үнемі қолдау көрсететін демеуші-меценаттарды құттықтау жоспарлануда.  Салтанатты шарада «Үздік педагог» республикалық байқаудың жеңімпаздары атап өтіледі.

Облыстық білім және ғылым қызметкерлері кәсіподақ комитеті атынан естелік сыйлық беріледі.

Қосымша ақпарат үшін білім басқармасының байланыс телефондары: 26-04-74, 24-08-03