Облыстық «Өзін-өзі тану» пәні бойынша оқушылар олимпиадасы |
Облыстық білім басқармасының мектепке дейінгі, жалпы орта, техникалық және кәсіптік білім беру ұйымдарының оқу-әдістемелік кабинетінің ұйымдастыруымен 2013 жылдың 25 қыркүйегінде Орал қаласының №37 ЖОББМ базасында алғаш рет облыстық «Өзін-өзі тану» пәні бойынша жалпы білім беретін мектептердегі оқушылар олимпиадасы өтті. Аймақтық олимпиаданың І кезеңіне «Өзін-өзі тану» пәнін оқуда жетістіктерге қол жеткізген, қызықты шығармашылық жұмыстар мен жобалардың авторлары 7-9 сынып оқушылары қатысты. Облыстық, аудандық мектептерден барлығы 47 оқушы қатысты. Олимпиада мақсаты: құндылық бағдарларды қалыптастыру арқылы балалар мен жасөспірімдерге рухани-адамгершілік білім беру, олардың шығармашылық әлеуетін дамыту, шығармашылық іс-әрекетінде өзін-өзі көрсетуге ұмтылысын марапаттау, тұлғалық қасиеттерін, азаматтық ұстанымын көрсету, өзін-өзі жетілдіруге және өзін-өзі тануға ұмтылысын қолдау, жандандыру. Міндеттері: Олимпиада екі кезеңде өткізіледі. Әрбір кезең екі турдан тұрды. Бірінші тур – эссе жазу. Екінші тур – тест тапсырмаларын орындау. Әр турдың бағдарламасын орындауға 2 (екі) астрономиялық сағат берілді. Олимпиада қазақ және орыс тілдерінде өткізілді. Аймақтық олимпиаданың І кезеңінің әділқазылар шешімі негізінде жеңімпаздар анықталды: Бас жүлде – Н.Қ.Мағытай - Ақжайық ауданы, Есенсай ОЖББМ 8-сынып оқушысы; І орын – А.С.Хохлачева - Орал қаласы, №8 облыстық дарынды балаларға арналған мамандандырылған мектеп, 8-сынып оқушысы; ІІ – орын – Ә.Т.Ереева - Жаңақала ауданы Пятимар ЖОББМ, 9-сынып оқушысы; ІІІ – орын – А.А.Ғибадатова - Бөрлі ауданы, Қызылтал ЖББОМ 9-сынып оқушысы; Республикалық олимпиадаға жоғарыда аталған жеңімпаздар 7 оқушы құралған команда мүшелері «Бөбек» ҰҒПББСО-на барады. |