«Дарын» қосымша білім орталығы базасында 2013 жылдың тамыз айының 9-15 аралығында «Тілден биік асқар жоқ, тілден асқан байлық жоқ, тілден терең теңіз жоқ» бейімді мәдени-танымдық қазақ тіліне ену ауысымы өткізілді.

Ауысымға облыс бойынша - 45 және Ресей Федерациясының Самара қаласынан – 14 оқушы қатысты.
Барлық іс-шаралар алдын ала дайындалған бағдарлама бойынша өтті.

Бұл ауысымда өзіміздің Ресейдегі қандас бауырларымызға өз тілін, дінін, туған жер, атамекенін насихаттау, туған өлкеміздің табиғатының әдемілігін көрсету мақсатында түрлі тәрбиелік шаралар, интеллектуалдық, танымдық ойындар, музейге, театрға, қала ішіне, жануарлар паркіне саяхаттар ұйымдастырылды.

Облыстық тарихи-өлкетану және М.Маметова мұражайларына саяхат балалардың туған өлкеге сүйіспеншіліктерін оятып, сұлулықтың сиқырлы сырын сезіндірді.

Ауысымда өткізілген түрлі танымдық, шығармашылық, спорттық шаралар балалардың бір-бірімен қарым қатынастарының жақсаруына, жаңа достар табуына, ортада өздерін ұстай біліп, бір-біріне сенім артуға мүмкіндік берді.