2013 ж. 12 тамыз күні А. Иманов атындағы жол-көлік колледжі базасында «Техникалық және кәсіптік білім беруді жаңғырту жағдайындағы әлеуметтік серіктестік» тақырыбында техникалық және кәсіптік білім беру ұйымдары директорларының өндірістік ісі жөніндегі орынбасарларының секция отырысы оздырылды.

Секция отырысына Техникалық және кәсіптік білім беру ұйымдары директорларының өндірістік ісі жөніндегі орынбасарлары, Республикалық техникалық және кәсіптік білім беруді дамыту және біліктілікті берудің ғылыми-әдістемелік орталығы БҚО бойынша филиалы сарапшылары, оқу-әдістемелік кабинетінің әдіскерлері қатысты.

Отырыста сөз алған «Білім берудегі әлеуметтік серіктестік» туралы Теректі  колледжі   директорының өндірістік ісі жөніндегі  орынбасары, облыстық бірлестік жетекшісі Е.Г. Насипов, «Сапалы білім - оқу орнының тиімді дамуының кепілі» баяндамасымен Шыңғырлау колледжі директорының өндірістік ісі жөніндегі орынбасары С.Г.Шингужиева, «2012-2013 оқу жылында БҚО бойынша ТжКББ оқу орындарында кәсіби дайындық деңгейін бағалаудың   қорытындылары» туралы Республикалық техникалық және кәсіптік білім беруді дамыту және біліктілікті берудің ғылыми-әдістемелік орталығы БҚО бойынша филиалы сарапшысы Ж.С.Харуллин талдау жасаса,
«Кәсіптік практиканы ұйымдастыру мәселелері» туралы Ж. Досмұхамедов  атындағы педагогикалық колледжі директорының  өндірістік ісі  жөніндегі орынбасары М.Ж.Мукашев, «Дуалдық оқыту - әлеуметтік серіктестермен байланысты  нығайтудың кепілі» тақырыбында Ақжайық  аграрлы-техникалық колледжі директорының   өндірістік  ісі жөніндегі   орынбасары Р.Р.Галимуллин, «Дуалды оқыту жүйесінде әлеуметтік серіктестермен  жасалатын жұмыстар» баяндамасымен БҚ инженерлік   технологиялық колледжі директорының  өндірістік ісі жөніндегі  орынбасары М.А.Айешовтер дуалды оқытудағы тәжірибелерімен бөлісті.

Секция жұмысының қорытындысымен төмендегідей ұсынбаларды ұсынды:

1. Білім беру үрдісінде  әлеуметтік серіктестікпен жұмысты жетілдіру жолдарын дамыту;
2. ТжКББ ұйымдарында  кәсіби дайындық деңгейін бағалау үрдісін жоғары нәтижеге бағыттау;
3. Кәсіби практиканы ұйымдастыру жұмысын жетілдіру;
4. Дуалды оқыту жүйесінде әлеуметтік серіктестермен   жасалатын жұмыстарды ұйымдастыру;
5. Оқушы жастарға кәсіби білім берумен қатар, олардың бойында өмірдегі әлеуметтік мәселелерді шешуге арналған білік-дағдыларды қалыптастыру;
6. Өндірістік оқытуға бақылауды күшейту;
7. Мемлекеттік және жеке өнеркәсіп орындарын ТжКБ-ді дамытуға, кадрлар даярлауға белсендендіру;
8. Өнертапқыш, техникалық шығармашылыққа бейім талантты студенттерді қолдауды жандандыру;
9. Маман-түлектерді жұмысқа орналастыруға ықпал етуді одан әрі күшейту.