Ағымдағы жылдың 8-9 тамызында облыстық білім басқармасы және  облыстық оқу-әдістемелік кабинетінің арнайы түзеу, инклюзивті, қосымша білімді дамыту және тәрбие жұмысы бөлімінің ұйымдастыруымен «Жылдың ең таңдаулы мектеп жанындағы интернаты» облыстық байқауы өткізілді. Байқауға 8 ауданның мектеп жанындағы интернаттары қатысты.

Мақсаты: мектеп жанындағы интернаттардың материалдық–техникалық базасын жақсарту және кәсіби перспективті, шығармашылықпен жұмыс жасайтын интернаттық мекемелердің ең таңдаулы қызметкерлерін айқындау.

Әділқазылар алқасының шешімі негізінде:

І орын – Бөрлі ауданының Жарсуат жалпы орта білім беретін мектебі жанындағы интернаты;

ІI орын – Ақжайық ауданының Абай атындағы мектеп – гимназия жанындағы интернаты;

ІІІ орын – Жәнібек ауданының Ө.Сахипов атындағы жалпы орта білім беретін мектебі жанындағы интернаты.

Номинация иегерлері:

«Ең үздік материалдық – техникалық базасы» Бөкей ордасы ауданының Жәңгір хан атындағы  жалпы орта білім беретін мектебі жанындағы интернаты

«Ең үздік тәрбие жүйесі» Теректі ауданының Х.Есенжанов атындағы жалпы орта білім беретін мектебі жанындағы интернаты.

Байқау жеңімпаздары дипломдар және бағалы сыйлықтармен марапатталды.