2013 жылдың 8 тамызында арнайы білімді дамыту және балалардың құқықтарын қорғау бөлімі мен облыстық оқу – әдістемелік кабинетінің арнайы түзеу, инклюзивті, қосымша білім беруді дамыту және тәрбие жұмысы бөлімі даму мүмкіндігі шектеулі балаларды психологтік –педагогикалық колдаудағы кездесетін проблемалар туралы облыстық тамыз кеңесін ұйымдастырды. Кеңес мәжілісіне қызығушылық танытқан ұйымдар мен мекемелер, мемлекеттік емес ұйымдар және ақпараттық баспасөзден қатысты.

Кеңеске қатысушылардың  жалпы саны 90 адамды құрады. Облыстық тамыз кеңесі барысында озық тәжірибе  алмасу, түзету жұмыстарындағы жаңа технология бойынша шебер – кластар өткізілді.

Облыстық оқу-әдістемелік кабинет директоры А.О.Хамзина өзінің қорытынды сөзінде шығармашылық ізденістерінің нәтижелілігі мен қол жеткізген табыстары үшін облыстық – дәрігерлік – психологиялық кеңес беру мекемесі мен Тасқала ауданының психологиялық – педагогикалық түзеу кабинетінің жұмыстарын атап көрсетті. Облыстық – дәрігерлік –психологиялық кеңес беру мекемесінің меңгерушісі Р.Е.Маселоваға әдіскері І.І.Лұқпановаға, Тасқала ауданының психологиялық – педагогикалық түзеу кабинетінің меңгерушісі Н.А.Исмагулованы түзету - дамыта оқытудағы үлес қосқаны үшін Алғыс хаттар табыстады.