Секцияның жұмысының ІІ бөлімінде аудандық (қалалық) білім беру бөлімдерінің мектепке дейінгі әдіскерлері мен мектепке дейінгі ұйымдар басшыларының қатысуымен «Балапан» бағдарламасының жүзеге асырылуы және мектепке дейінгі тәрбие мен оқытудың нормативтік құжаттарының орындалуы туралы дөңгелек үстел оздырылды.

Балабақшадағы балалардың туған өлкеге деген көзқарасын мұражай қызметі арқылы қалыптастыру барысында жобалық және жаңа технологияларды тиімді, кеңінен қолдану мақсатында жұмыстар көрсетіліп талқыланды.

Мектепке дейінгі ұйымдарда инклюзивті білім берудің проблемалары мен оны шешу жолдарының бағыттары көрсетілді.

Секция жұмысының І бөлімінде мектепке дейінгі тәрбие мен оқытудың ақпараттық коммуникациялық технологияны енгізудің тиімділігіне баса назар аударылды. Сонымен қатар қазіргі таңда мектеп жасына дейінгі балалардың жеке тұлғасын қалыптастыруда үштілділікті меңгертудің маңыздылығы атап айтылды. Секция жұмысына аудандық (қалалық) білім беру бөлімдерінің әдіскерлері, МДҰ басшылары, әдіскерлері, педагогтар, мектепалды даярлық тобының тәрбиешілері қатысты. 2013 жылдың 7 тамызында Орал қаласының №46 «Ақжайық», №45 «Нұрсәт» мектепке дейінгі ұйым базасында мектепке дейінгі тәрбие мен оқыту және мектепалды даярлық ұйымының қызметкерлерінің «Қазақстан Республикасында білім беруді дамытудың 2011-2020 жылдарға арналған мемлекеттік бағдарламасының міндеттерін жүзеге асыру барысында мектепке дейінгі тәрбие мен оқытудың өзекті мәселелері және оларды шешу жолдары» тақырыбында секция жұмысы оздырылды.