«Жігер» әскери-патриоттық, далалық лагері |
Білім басқармасы Батыс Қазақстан облысы Ауған ардагерлер қоғамы, ішкі саясат басқармасы, облыстық прокуратура, әскери прокуратура, БҚО Қорғаныс істері жөніндегі департаменті, Орал қаласының қорғаныс істері жөніндегі басқармасымен бірге 2013 жылдың 10-28 шілде аралығында жетім және ата-анасының қамқорлығынсыз қалған балалар және ішкі істер органдарында есепте тұрған колледж оқушыларына арналған әскери-патриоттық, далалық «ЖІГЕР» лагерін ұйымдастырды. Лагерь 2 ауысымда өткізіліп 81 оқушыны қамтыды. Лагерь облыстық балалар мен жасөспірімдер туризмі және экология орталығының базасында Шаған өзенінің сол жағалауында орналасқан «Самал» туристік лагері негізінде ұйымдастырылды. Лагерьдің мақсаты: Қазақстандық патриотизмді, балалар мен жасөспірімдер арасындағы қылмыс пен құқық бұзушылықтың алдын алу, салауатты өмір салтын насихаттау, әскери-патриоттық тәрбие беру, азаматтардың белсенді өмір сүру жағдайын қалыптастыру, туристтік жорықтардағы қауіпсіздік шараларын сақтау, «Қайсар» әскери-патриоттық клубымен тәжірибе алмасу. Лагердің бағдарламасында АӘД пәні, ҚР ҚК тарихы бойынша сабақтар өткізілді, әскери-патриоттық тақырыбында көркем бейнефильмдер қаралды, №5517, №2029 әскери бөлімдерге, өлкетану және М.Маметова мұражайларына саяхаттар жүргізілді, әскери-спорттық шаралар: ату және әскери-қолданбалы спорт түрлері бойынша сайыстар, «ішімдік, темекі тарту, нашақорлық қолданудың зияндары туралы» лекторийлер, діни істер басқармасы, ішкі істер органдары өкілдермен, Ұлы Отан соғысы ардагерлерімен, әскери-интернационалисттермен, Қарулы Күштер және әскери қызмет ардагерлерімен кездесулер ұйымдастырылды. Әскери-патриоттық «Жігер» лагерінің ұйымдастыруына облыстық бюджеттен 7 млн. теңге қаражат бөлінді. |