Қазақстан Республикасы Білім және ғылым министрлігінің 2013 жылғы 8 мамырындағы №11-2/1020 бұйрығына сай 30-31 мамыр аралығында кадрларды кәсіби даярлау сапасын, техникалық және қызмет көрсету еңбегі мамандықтарының (кәсіптерінің) беделін арттыру, кәсіптік білім беру және кадрлар даярлау жүйесін насихаттау, дарынды білім алушыларды анықтау және қолдау көрсету мақсатында «Механизатор» кәсібінің үздігі» атты республикалық байқау Қызылорда қаласының Сырдария ауданы Нағи Ілиясов атындағы ауылда оздырылды.

Еңбекпен өнген елді мекенге еліміздің әр облысынан қатысушы келіп, механизатор мамандығының қыр-сырын ашып көрсетті.

Алты кезеңнен тұратын сайыста 13 үміткер бақ сынады. Сайыскерлердің алдымен теориялық білімі сараланды. Сондай-ақ түрлі техникамен жұмыс жасау кезіндегі қалыпты емес жағдайлардан жол тауып шыға білу шеберліктері, үздік авторлық туындылары, спорттық шеберліктері бағаланды. Кәсіби шеберлігі ауыр техникаларды жүргізу, жөндеу қабілеттері сыналды.

Бұл байқауға Батыс Қазақстан облысының Зеленов колледжінің «Ауылшаруашылық өндірісінің тракторист-машинисі» мамандығы бойынша №32 тобының оқушысы Ақылбек Ақылсайынұлы Турагалиев қатысып жүлделі 3 орынға ие болды.

Мектепке дейінгі, жалпы орта,
техникалық және кәсіптік білім
беру ұйымдарының облыстық
оқу-әдістемелік кабинеті