«Мектепке дейінгі инклюзивті білім беру жағдайында мүмкіндігі шектеулі балаларды оқыту» тақырыбында семинар – практикум |
2013 жылдың 29 мамырында Білім басқармасының жоспарына сай арнаулы білімді дамыту және балалар құқықтарын қорғау бөлімі мен облыстық оқу – әдістемелік кабинетінің арнайы түзеу, инклюзивті, қосымша білім беруді дамыту және тәрбие жұмысы бөлімі «Мектепке дейінгі инклюзивті білім беру жағдайында мүмкіндігі шектеулі балаларды оқыту» тақырыбында семинар – практикум ұйымдастырды. Семинарға білім беру бөлімдерінің әдіскерлері, мектепке дейінгі жасындағы балаларға түзету жұмыстарына қолдау көрсететін логопедтер, дефектологтар, педагог- психолог және әлеуметтік педагог мамандары қатысты. Семинар – практикум Орал қаласының №29 «Балауса» мектепке дейінгі ұйымының түзеу және инклюзивті білім беру кабинетінің базасында ұйымдастырылды. Мектепке дейінгі ұйымының түзеу және инклюзивті білім беру кабинетінің жұмысын ұйымдастыруда өздерінің іс – тәжірибелерімен облыстық психологиялық –дәрігерлік – педагогикалық кеңесі және Орал қаласының № 29 «Балауса» мен № 24 «Солнышко» мектепке дейінгі ұйымдарының мамандары бөлісті. Семинарға қатысушыларға практикалық көмек көрсету мақсатында әр түрлі бес бағытты қамтитын заманауи жабдықтары мен инновациялық технологияларын қолдану арқылы бес шебер – класстары оздырылды. |