2013 жылдың 28 мамыры – Ақжайық ауданы - Чапаев ауылында, Ақжайық аграрлық-техникалық колледжінде (директоры Б.Х. Қоспаев) облыс көлемінде алғаш рет өндірістік оқыту аға шебері жетекшілігімен (З.Нұрмұханбетов) оқу орнының өндірістік оқыту шеберлері және бітірушілер тобынан құрылған «Жігерлі жастар» (40 адам) ауыл шаруашылығына арналған техника – тракторлар (прицептері, дәнді дақылдар егу, шөп шабу агрегаттары), автокөліктер, пісіру аппараты, басқа да тұрмысқа қажетті жабдықпен толық қамтылған механикаландырылған жасақ еңбек маусымына салтанатты түрде аттанды. Оздырылған шараға облыстық білім басқармасы, Ақжайық ауданының әкімшілігі, қоғамдық ұйымдар уәкілдері, колледждің инженер-педагог қызметкерлері қатысты.

Қазақстан Республикасы Білім және ғылым министрлігінің бастамасымен Халықаралық даму банкінің қаржылай қолдауымен «Техникалық және кәсіптік білім беруді жаңғырту» жобасын жүзеге асыру мақсатында, аудан әкімшілігінің қолдауымен колледждің оқыту шаруашылығын игеруді қолға алуда. Механикаландырылған жасақтың мақсаты - дуалдық оқыту элементтерін пайдаланып, оқушылардың теориялық білімдерін өндірістік машықтанумен ұштастыру, кәсіби шеберліктерін шыңдау.

МДЖОТжКББҰООӘК, техникалық және
кәсіптік білім беру бөлімі