«Баланы жан-жақты етіп тәрбиелеу үшін оны жан-жақты білу керек, – деп белгілі К. Д. Ушинский айтқандай, техникалық және кәсіптік білім беру ұйымдарындағы жасөспірімдердің арасындағы құқық бұзушылықтың алдын  алуда балалармен жүргізілетін жұмыстың деңгейін анықтау, педагогикалық іс шараларды көрсету, сапасын арттыру, өзара тәжірибе алмасу. Отбасының атқаратын қызметіне талдау жасау, жұмыс істеу әдістемесін ұсыну мақсатында, Мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің директорлары тәрбие ісі жөніндегі орынбасарларының облыстық әдістемелік бірлестігінің жұмыс жоспарына сәйкес 2013 жылғы 20 мамырында Теректі колледжі базасында «Жасөспірімдердің арасындағы құқық бұзушылықтың алдын-алу  жолдары» тақырыбында дөңгелек үстел отырысы оздырылды.

Дөңгелек үстел отырысына техникалық және кәсіптік білім беру ұйымдары (колледждер) директорларының тәрбие ісі жөніндегі орынбасарлары, әлеуметтік педагогтар, психологтар және БҚО балалардың құқықтарын қорғау департаментінің бас маманы Ж. Өтепов, кәмелетке толмағандарды бейімдеу орталығының ДТІЖО Қ. Ниязов, Облыстық отбасы үлгісіндегі балалар ауылының ДТІЖО Г. Кенесарина, Теректі колледжінің ата-аналар комитеті мүшелері қатыса отырып, өзара пікір алмасуда жасөспірімдердің арасындағы құқық бұзушылықтың пайда болу себептері;   жасөспірімдерді тәрбиелеудегі ұстанымдары; қиын оқушылардың пайда болуына себепті факторлары; олармен жұмыс істеудің негізгі шарттары; қиын жасөспірімді тәрбиелеудегі әлеуметтік педагогикалық тұрғыда отбасы және мектептің өзара байланысы қандай болуы; әлеуметтік ортаның теріс ықпалынан әлеуметтік педагогикалық арқылы қорғауы; құқық бұзушы балаларға профилактикалық және диагностикалық көмек көрсету әдістемесі; қиын жасөспірімді қоғамға қайта қосудағы әлеуметтік жұмыстың ерекшеліктері аясында өз ойларын ортаға салып, қызу ашық түрде талқылау болды.

Дөңгелек үстелдің соңы ұсынымдармен, жарыссөздер және А. Иманов атындағы жол-көлік колледжінің драма үйірмесі оқушыларының «Аңыздан туған қыз» премьерасымен жалғасты.

МДЖОТжКББҰООӘК
техникалық және кәсіптік
білім беру бөлімі