Мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес 2013 жылғы 22 мамырда Орал «Сервис» технологиялық колледжі базасында (директоры Н.Х. Галиева) техникалық және кәсіптік білім беру ұйымдарының аға шеберлеріне арналған «Техникалық және кәсіптік білім беру шеңберіндегі маркетинг» облыстық семинары өтті.

Аға шеберлерінің білім деңгейін көтеру, біліктілік деңгейін анықтау, өзекті мәселелерін талдау және ұсыныстар алу мақсатындағы облыстық семинарда «Техникалық және кәсіптік білім беру шеңберіндегі маркетинг», «Зеленов колледжінің өндірістік оқыту шеберлерінің жұмысын ұйымдастыру тәжірибесінен» тақырыптарында баяндалды. Қатысушылар өндірістік оқыту ісі жөніндегі орынбасарлары мен аға шеберлері қызметінің үйлесімі туралы ой-пікірлер бойынша практикаға орналастыру мәселесі, дуальды жүйемен оқытуды жоспарлау туралы, маркетингтік қызметтің дұрыс ұйымдастырылуының осы бағыттарда үлкен рөл атқаратыны жөнінде ой пікірлерін білдіріп, біліктілік деңгейін анықтау барысында дайындалып өткізген сауалнама сұрақтарына жауап берді. Облыстық семинар соңы қатысушылардың ұсыныстарын алу және сауалнаманы қорытындылаумен аяқталды.

МДЖОТжКББҰООӘК техникалық және кәсіптік білім беру бөлімі