«Қазіргі заманда болашақ жұмысшы мамандарға ақпараттық технологиямен байланысты әлемдік стандартқа сай мүдделі жаңа білім беру өте қажет» деп, Елбасы атап көрсеткендей жас ұрпаққа білім беру үдірісінде ақпараттық технологияларды қолданудың тиімділігін арттыру, кәсіптік білім беру педагогтарының кәсіби деңгейін көтеру, педагогикалық тәжірибелерді жинақтау мен тарату, шығармашылықпен жұмыс жасайтын педагогтардың іс-тәжірибелерінің таралуына жағдай жасау мақсатында, 2013 жылдың 17 мамырында Ақсай техникалық колледжі базасында Мектепке дейінгі,жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес ауылшаруашылық мамандықтары бойынша инженер-педагогтардың облыстық әдістемелік бірлестігі мүшелерінің қатысуымен «Жаңа ақпараттық техникалық құралдарды пайдалану» облыстық семинар-кеңесі оздырылды.

Семинар – кеңесі барысында білім беру жолында ақпараттық технологияны оқу үрдісінде оңтайландыру мен тиімділігін арттыруда ақпараттық – коммуникативтік технологияны оқу-тәрбие үрдісінде қолдану деңгейін анықтау, арнайы пән оқытушылары мен өндірістік оқыту шеберлерінің озық тәжірибелерін насихаттай отырып, интерактивтік тақтаны қолданудың мүмкіндіктері баса айтылып, білім беруде ақпараттық технологияларды тиімді қолдану туралы әдістемелік нұсқаулар берілді. Бағдарламада ауыл шаруашылығы мамандықтары бойынша білікті арнайы пән оқытушылары мен өндірістік оқыту шеберлерінің шеберлік кластары мен баяндамалары тыңдалып, өндірістік практикалық сабақтар көрсетіліп, ұсынымдармен жалғасты.

Мектепке дейінгі, жалпы орта,
техникалық және кәсіптік білім
беру ұйымдарының облыстық
оқу-әдістемелік кабинеті