2013 жылдың 14-15 мамыр аралығында облыстық әдістемелік кабинеттің жоспары бойынша мүмкіндігі шектеулі  балалармен жұмыс істейтін мұғалімдерге сонымен бірге психологиялық – педагогикалық түзеу кабинеттерінің мамандарына тәжірибелік көмек және әдістемелік қолдау көрсету мақсатында Ашық есік күні өтті.

Батыс Қазақстан облысы білім басқармасы және мектепке дейінгі, жалпы орта, техникалық және кәсіптік білім беру ұйымдарының облыстық оқу – әдістемелік кабинетінің ұйымдастыруымен «Инклюзивті білім беру принциптерін жүзеге асырудың заманауи жолдары» атты облыстық семинар- кеңес ұйымдастырылды. Қатысушылар саны – 65(адам). Семинар барысында   арнайы сыныптар мен психологиялық – педагогикалық түзеу кабинеттерінің мамандарына практикалық  көмек және әдістемелік қолдау көрсетілді.

Ашық есік күні облысымыздың 3арнаулы  мектеп – интернаттарында  мүмкіндігі шектеулі балалармен жұмыс   ұйымдастырылды. Облыстық арнаулы мектеп – интернаттарында барлық мамандар әр түрлі бағытта 39 мастер – класс ұйымдастырылды. Әдістемелік күні қатысушыларға мүмкіндігі шектеулі балаларға оқытуды таныстырып қоймай, сонымен бірге педагог – психолог, логопед, дефектолог мамандары түзету жұмыстарын көрсете білді. Сонымен қатар, семинарға қатысушылар үшін мастер – класс дайындығымен сыныптан тыс шаралар оздырылды.

Семинардың қорытындысы Облыстық сырттай байқауының таңдаулы психологиялық – педагогикалық түзеу кабинеттерінің мамандарына дипломдармен марапаттады.