Батыс Қазақстан облысы білім басқармасы мектепке дейінгі, жалпы орта, техникалық және кәсіптік білім беру ұйымдары облыстық оқу-әдістемелік кабинетінің ұйымдастыруымен ағымдағы жылдың 3 мамыры күні Орал қаласының №44 жалпы орта білім беретін мектебінде «12 жылдық білім беру жағдайындағы қоғамдық-гуманитарлық пәндерін құзырлық тұрғыда оқытудың ерекшеліктері» тақырыбында облыстық семинар өткізілді.

Семинардың мақсаты: 12 жылдық білім беру бойынша атқарылып жатқан эксперимент жұмысымен таныстыру, эксперименттік мектептегі білім беру мақсатын, міндеттерін, құрылымын, мазмұнын және оқу-тәрбие процесін ұйымдастырудың ерекшеліктерін ашып көрсету.

Семинар барысында қатысушыларды «Үздік әдістемелік жинақтар» көрмесімен таныстырды. 12 жылдық мектептің негізгі жалпы білім беретін сатысына арналған базистік оқу жоспарының ерекшелігі, нормативтік құжаттарымен, білім сапасының нәтижелерімен, білім мазмұнының айырмашылығы туралы айтылды. Қатысушылармен психологиялық тренинг ұйымдастырылды. Семинар кеңес соңында қатысушылар өз ойларын айтып, пікір алмасты.