Батыс Қазақстан облысы білім басқармасы мектепке дейінгі, жалпы орта, техникалық және кәсіптік білім беру ұйымдары  облыстық оқу-әдістемелік кабинетінің ұйымдастыруымен ағымдағы жылдың 3 мамыр күні «Биоинформатика және синергетика» технологиясын қолдану арқылы білім сапасын басқару» тақырыбында облыстық семинар-кеңес өткізілді.

Семинардың мақсаты:

- Ф.Я.Вассерманның «Биоинформатика және синергетика» білім сапасын басқару технологиясы бойынша білім беру мазмұнын түсіндіру;

- Білім сапасын жүйелі түрде көтеру негіздеріне талдама жасау;

- Қазіргі оқыту үрдісін жетілдіру бойынша жетістікке жету әдістеріне талдау жүргізу.

Семинарда білім сапасын басқарудағы «БжИ технологиясының тиімділігі, Үштік (триада) «Алгоритм. Биоинтернет. Тренажер» технологиялық карталары, бейне сабақ (видеороликтер), Ф.Я.Вассерманның технологиясы бойынша оқу білім сапасын арттыру бағытында мазмұнды мәліметтер берілді. Семинар кеңес соңында қатысушылар өз ойларын айтып, пікір алмасты.