Ағымдағы жылдың 4 мамырында Назарбаев Зияткерлік мектебінің базасында БҚО білім басқармасының қолдауымен  9 – мамыр Ұлы Отан соғысы Жеңісінің 68 жылдығына орай Қазақстан Республикасының мәдениет қайраткері, сазгер Әділбек Сүлейменовтың «Ағаларды еске алу» атты ән кеші өтті.

Аталған шараға еңбек және тыл ардагерлері, ұстаздар қатысты.

Сазгердің ән кеші Отан үшін қаза болған қаһармандардың рухына бас иіп, құрмет көрсетіп бір минут үнсіздік жариялануымен басталды. Сахна төрінде «Ару аналар» мен «Әжелер сәлемі» қоғамдық бірлестіктерінің вокалдық тобы, Назарбаев Зияткерлік мектебінің оқушылары, Орал қаласы №1 орта мектебі, Жастар мәдениет үйінің балалар хоры мен облыстық филармония әншілері мен автордың әр алуан әндері шырқалды.