Сәуірдің 26 жұлдызында «Евразия» туристтік сауықтыру кешенінде облыстық «Жас құтқарушы» топтары слеті оздырылды. Іс-шара ұйымдастырушылар - облыстық Білім басқармасы, Төтенше жағдайлар департаменті және облыстық «Өркен» қосымша білім беру орталығы. «Жас құтқарушы» слетінің мақсаты: жалпы білім беретін мектептердің оқушылар арасында балалар мен жасөспірімдер төтенше жағдайлардағы қауіпсіздік мәдениетін қалыптастыру, жас ұрпақтың дамуына, салауатты өмір салтын қалыптастыруға, өзіндік және қоғамдық қауіпсіздікке жауапкершілікпен қарауға, олардың өмірдегі қауіпсіздік жағдайлары, дене және психологиялық дайындығы жөніндегі білім деңгейлерін көтеру, құтқарушы мамандығын насихаттау.

Слетке орта жалпы білім беретін мектеп, лицей, гимназиялардың 8-11 сынып оқушылары - аудандық, қалалық кезеңінің жеңімпаз-топтары қатысты. Жас құтқарушылар «Саптық байқау», «Жас насихаттаушылар», «Жас құтқарушы», «Жас тілші», «Жас санитар», «Сардарлар сайысы» байқаулары бойынша сынға түсті.

Байқау нәтижесінде, 1-ші орынға Ақжайық ауданы, 2-ші орынға Казталов және Қаратөбе аудандары иеленсе, 3-ші орынды Бөрлі, Тасқала және Жаңақала аудандары өзара бөлісті. Сонымен қатар, топтар бірнеше аталымдар бойынша марапатталды, олар – Қаратөбе, Жаңақала, Тасқала, Казталов, Зеленов, Жәнібек және Шыңғырлау аудандарының жас құтқарушы топтары. Жеңімпаз топтар дипломмен және бағалы сыйлықтармен  марапатталды.