Ағымдағы жылдың 26 сәуірінде Бөрлі ауданы Ақсай қаласында №6 ЖОББмектебі мен балалар өнер мектебінің базасында «Шебер – класс «Қосымша білім беру: тәжірибе, жаңаша жолдары мен болашағы» тақырыбында қосымша білім беру педагогтарына арналған облыстық семинар өтті. Семинар облыстық оқу – әдістемелік кабинетінің жоспарына сай өткізілді. Семинар жұмысына облыстық қосымша білім беру мекемелерінің басшылары және 40 – тан аса қосымша білім беру педагогтары қатынасты. Семинар 2 бөлімнен тұрды: секциялық және пленарлық. Секциялық жұмысы 3 бағытта жүргізілді: 1 секция – көркем-эстетикалық , 2 секция – музыкалық, 3 секция – техникалық шығармашылық. Семинар барысында қатысушылар Бөрлі ауданының жоғары және бірінші санатты мұғалімдері көрсеткен шебер – кластарына қатынасты.

Пленарлық бөлімінде қосымша білім берудің маңызды сұрақтары талқыланып, жауаптар алынды.

Семинар соңында қатысушыларға Бөрлі ауданының қосымша білім беру мекемелері дайындаған концерттік бағдарламасы ұсынылды. Семинарға қатысушылар өз тараптарынан ұйымдастырушыларға семинардың жоғары деңгейде дайындағандары үшін алғыстарын білдірді.