«Кәсіпқор» АҚ Холдингінің «Техникалық және кәсіптік білім беру жүйесін дамыту» Іс-шаралар жоспарының «Әріптестік колледждер құру» тармағын орындауға қатысты 2013 жылдың 23 сәуір күні Орал қаласындағы «Алгоритм» технопаркінде облыстық білім басқармасының басшысы А.Ә.Мыңбаеваның төрағалығымен кеңес оздырылды.

Кеңес жұмысына «Кәсіпқор» АҚ Холдингі  басқарма төрағасының орынбасары Басенко А.Ф., әлеуметтік әріптестік департамент директоры Куспеков О.Х., Ресей Федерациясы Свердлов облысы білім министрінің орынбасары Исламгалиев Ф.Г., Челябинск тұрба зауыты жанындағы оқу Орталығының директоры Десятов Н.В., облыс орталығындағы 6 колледж директорлары, кәсіпорындардың басшылары, әлеуметтік әріптестер және қоғамдық ұйымдардың өкілдері қатысты.

Қаралған мәселелер:

1. «Кәсіпқор» АҚ Холдингі ұсынып отырған «Техникалық кадрларды даярлаудың жаңа моделі» атты бағдарламасымен таңыстыру (Басенко А.Ф., Куспеков О.Х.).

2. Свердлов облысы білім министрлігінің және Челябинск тұрба зауыты оқу Орталығының кадрлар даярлаудағы әріптестік қызметіндегі іс-тәжірибелерімен таңыстыру (Исламгалиев Ф.Г., Десятов Н.В.).

3. Орал қаласынан «Қазақстан-Ресей әріптестік колледжін құру»  туралы пікір алысу.