2013 жылдың 2 сәуір күні Орал газ, мұнай және салалық технологиялар колледжінде техникалық және кәсіптік білім беруді дамыту мен кадрларды даярлау бойынша Өңірлік кеңес отырысы өтті. Кеңес жұмысына облыс ұйымдары мен мекемелер жетекшілері, сонымен қоса техникалық және кәсіптік білім беру оқу орны ұйымдарының директорлары қатысты.

Кеңес отырысында 2013 – 2014 оқу жылына кадрларды даярлаудың мемлекеттік тапсырысы бекітілді. Сондай – ақ дуальдық жүйе бойынша кадрларды даярлау мәселесі де қаралды. Орал газ, мұнай және салалық технологиялар колледжі директоры С.Х.Мухамбеталиевтің және  Инженерлік  – технологиялық колледжінің директоры С.А.Әлімбековтың дуальдық оқыту элементтерін енгізу бағытындағы жұмыстары жөнінде хабрламалары тыңдалды. ҚРБжҒМ «РҒӘО» БҚО филиалының директоры Қ.Г.Ақдәулетовтың  2013 жылы ТжКБ оқу орындары бітірушілерінің кәсіби даярлық деңгейін тәуелсіз бағалау жұмыстарының жүргізілу барысы туралы хабарламасы тыңдалды.