Ағымдағы жылдың 3 сәуірінде Орал қаласының №44 ЖОББМ базасында «Ата-аналармен бірлескен жұмыста инновациялық технологияларды қолдану. Құқық бұзушылықтың алдын алудағы оқушылар ұйымдарының жұмысы» атты облыстық семинар-практикум өткізілді.

Мақсаты:

1. Ата-аналардың құқықтық мәдениеті мен әлеуметтік-педагогикалық құзырлылықтарын арттыру;

2. Облыс көлемінде оқушылар ұйымдарының жұмысы мен қала мектеп-терінің  іс-тәжірибесімен бөлісіп, тарату.

Қатысушылар: аудандық (қалалық) білім беру бөлімінің әдіскерлері, мектеп директорларының тәрбие жұмысы жөніндегі орынбасарлары, сынып жетекшілері мен қалалық КТІЖ инспекторлары. (Қатысушылар саны – 95).

Семинар төрт бөлімде ұйымдастырылды.

І  бөлім. «Баланың болашағы қолымызда» тақырыбындағы пленарлық отырыс. Отырыс барысында қалалық  мектеп директорларының тәрбие жұмысы жө-ніндегі орынбасарлары өз ұжымындағы ата-аналар жұмысының жүйесімен және іс-тәжірибелерінде  инновациялық технологияларды қолдану түрлері-мен таныстырды.

ІІ бөлім. «Болашақ бүгіннен басталады» атты  шығармашылық шеберхана. Шығармашылық шеберхана барысында топтық жұмыстар жүргізілді. Орал қаласының №5, №21, №26,№32,№43,№44 ЖОББМ, № 27, №35 МЛ мен №42 «Ақниет» гимназиясының оқушылар ұйымдары өз іс-тәжірибелерімен бөлісті.

ІІІ бөлім. «Ғажайып сәт» кезеңі. Бұл бөлімде балалар ұйымдарының  үгіт-насихат жұмыстары көрсетілді.

IV бөлім. Қорытынды.

Қатысушылар семинар-практикумның соңында алған әсерлерін топтар бойынша талдап, өз ой-пікірлерімен алмасты.