2013 жылдың 2 сәуірінде мектепке дейінгі, жалпы орта, техникалық және кәсіптік білім беру ұйымдары сауда және тамақтану мамандықтары бойынша облыстық әдістемелік бірлестігі өндірістік оқыту шеберлері мен арнайы пәндер оқытушыларының  мүшелерінің қатысуымен өзара іс-тәжірибесімен бөлісу, жаңа инновациялық оқыту технологиясын меңгеру әдістерінің тиімділігін насихаттау мақсатында Технологиялық колледжі базасында (директоры Б.Д. Какимова) «Инновациялық технологияларды теориялық және практикалық оқытуда қолдану» тақырыбында  облыстық семинары техникалық және кәсіптік білім беру бөлімінің әдіскерлерімен ұйымдастырып оздырылды.

Семинар барысында  техникалық және кәсіптік білім беру ұйымдарының арнайы пән оқытушылары және өндірістік оқыту шеберлерінің төменде көрсетілген атаулармен «Тамақтандыруды ұйымдастыру» мамандығы бойынша электрондық құрал, «Салаттар дайындап, әртүрлі көкөністермен әшекейлеу», «Қалдық жартылай фабрикаттарынан әртүрлі өнімдер дайындау», «Картоптан әртүрлі тағамдар дайындау. Картоп ұяшықтары», «Көкөністерді механикалық өңдеу» шеберлік кластары мен «Кәсіби білім беруде теориялық және практикалық оқытуды жетілдіру», «Сорпаларды дайындау», «Аспазшыларды өндірістік оқыту сабағында жаңа технологияларды қолдану», «Арнайы пән сабақтарында жаңа технологияларды қолдану», «Ашытқылы қамыр және одан жасалатын өнімдер», «Астан улану» тақырыптарындағы баяндамалар тыңдалып, пысықталды.

Семинарды қорытындылау нәтижесінде арнайы пән оқытушылары жаңа инновациялық технология әдістерін қолдану арқылы өндірістік оқыту шеберлер сабағының сапасын арттырудың әдіс-тәсілдері туралы ойларын ортаға салып, теория арқылы практикамен ұштастыруды көрсете алды.

Облыстық семинарда берілген  ұсыныстар алдағы уақытта өз жалғасын табады.

БҚО ББ Мектепке дейінгі, жалпы орта,
техникалық және кәсіптік білім беру
облыстық оқу-әдістемелік кабинетінің
техникалық және кәсіптік білім беру
бөлімі