2013 жылдың 28 наурызы күні облыстық білім басқармасының, БҚО білім беру саласындағы бақылау департаментінің, «Өрлеу» біліктілігін арттыру ұлттық орталығы» АҚ-ның Филиалы БҚО бойынша педагогикалық қызметкерлердің біліктілігін арттыру институтының қатысуымен брифинг өткізілді.

Брифинг өту барысында облыстық білім басқармасы бастығының орынбасары Р.О.Хамза облыс мектептеріндегі электрондық оқыту жүйесі туралы ақпарат бере отырып, осы бағытта жүргізілетін жұмыстар туралы БАҚ тілшілерінің сұрақтарына жауап берді.

БҚО білім беру саласындағы бақылау департаментінің директоры С.М.Бахишеваның облыстық білім беру ұйымдарын, атап айтқанда, жалпы орта білім беретін мектептер мен колледждерді электрондық лицензиялау туралы ақпараты тыңдалды. 2013 жылдың І тоқсанында электронды түрде лицензия алған білім беру ұйымдары туралы мәліметі ұсынылды. Кездесу барысында С.М.Бахишева 2013 жылғы ҰБТ және ОЖСБ (оқу жетістігін сырттай бағалау) жөнінде тілшілердің сұрақтарына жауап берді.

«Өрлеу» біліктілігін арттыру ұлттық орталығы» АҚ-ның Филиалы БҚО бойынша педагогикалық қызметкерлердің біліктілігін арттыру институтының ректоры С.С.Ізмұханбетова электрондық оқыту жүйесіне қосылатын мектептердің мұғалімдеріне жүргізілетін курстар және жаңа форматтағы курстар туралы ақпарат берді.

Брифингке  «Казахстан - Орал» облыстық ТРК-сы, «ТДК-42» арнасы, «Орал өңірі», «Приуралье», «Жайық үні», «Жайық ұстазы», «Мой город» газеттерінен тілшілер қатысып, барлық көтерілген мәселелерге байланысты сұрақтарына жауап алды.