2013 жылдың 15 наурызында  мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарын сәйкес  Зеленов ауданы, Рубежка колледжі базасында ауылшаруашылық мамандықтары бойынша инженерлік-педагогикалық  қызметкерлердің облыстық әдістемелік бірлестігі мүшелері және БҚО КБжКД бөлімі, техникалық және кәсіптік білім беру ұйымдарының ӨОІ жөніндегі орынбасарлары, арнайы пән оқытушылары, өндірістік оқыту шеберлері және «Уралочка» шаруа қожалығы әлеуметтік серіктестігінің қатысуымен техникалық және кәсіптік білім беру ұйымдарындағы кәсіптік даярлық деңгейін және біліктілік емтихандарына әзірлік жұмыстарын жүйелі жүргізу және өзара тәжірибе алмасуды ұйымдастыру мақсатында «Кәсіптік даярлық деңгейін растау және біліктілікті беру емтихандарына әзірлік жұмыстарын жүйелі жүргізудің маңызы» атты облыстық семинар-кеңесі оздырылды.

Семинар-кеңес пленарлық мәжіліс және «Ауылшаруашылығы мамандықтары» мен  «Қызмет көрсету мамандықтары» бойынша секциялардан өткізілді.

Бәсекеге қабілетті  мамандықтарын даярлаудағы оқушылардың  кәсіби деңгейін бағалаудың сапасын арттыру,   насихаттау үшін арнайы пән оқытушылары мен өндірістік оқыту шеберлеріне оқушылардың теориялық білімін бақылау жұмыстарының әдістемелерін тиімді қолдану туралы  әдістемелік нұсқаулар берілді.

Семинар соңы білікті оқытушылардың шеберлік кластары және арнайы пән оқытушылары мен өндірістік оқыту шеберлерінің сапалық құрамын жетілдіру, біліктілік байқауларын ұйымдастыру және деңгейлік кәсіби байқауларға белсене қатысу, біліктілік емтихандарына әлеуметтік серіктестерді тарту жұмыстарын жанжандыру, түлектердің кәсіби даярлық деңгейін бағалауға жүйелі дайындық жұмыстарын жүргізу ұсынымдарымен  жалғасты.

МДЖОТжКББҰО оқу-әдістемелік кабинеті