Ағымдағы жылдың 20 наурызында Ақжайық ауданы, Чапаев ауылы М.Әуезов атындағы ОЖББМ – нің базасында «Интернаттық ұйымның жұмысын бағдарламалық – әдістемелік қамтамасыз ету» атты облыстық семинары өткізілді. Семинарға интернат ұйымдарының жұмысына жетекшілік ететін мамандар мен интернаттық ұйымдардың меңгерушілері қатынасты. Қатысушылар саны – 30.

Семинардың мақсаты: Интернаттық ұйымның жұмысын бағдарламалық – әдістемелік қамтамасыз ету, кәсіби тұрғыда шығармашылықпен жұмыс істейтін интернаттық мекеменің жұмысын жетекші ететін мамандар мен  меңгерушісіне бағыт – бағдар беріп, олардың мәртебесін көтеру, беделін арттыру мақсатында ұйымдастырылды.

Семинар 2 бөлімнен тұрды.

Практикалық бөлімінде Абай атындағы мектеп – гимназиясы мен Мерген орта жалпы білім беретін мектеп жанындағы интернаттарының базалары және интернаттық ұйымдарының жұмысында сүйенетін нормативтік құжаттарының жүргізілуі барысымен таныстырылды. Практикалық бөлім шағын концерттік бағдарламамен қорытындыланды.

Теориялық бөлімінде Ақжайық, Бөрлі аудандарының интернат ұйымдары жұмысына жетекшілік ететін мамандар мен интернаттық ұйымдардың меңгерушілері жұмыс жоспарларымен  және басшылыққа алынатын заңнамалық құжаттарымен таныстырып, іс-тәжірибесін көрсетті.

Семинар соңында қатысушылар өз ойларын ортаға салып, пікір алмасып, ұсыныстар қабылдады.