Үстіміздегі жылдың 18-19-шы наурызында Орал қаласындағы облыстық көру қабілеті бұзылған балаларға арналған арнаулы мектеп-интернатында «Наурыз-нұрлы ырысым!» атты аймақаралық достық фестивалі оздырылды.

Фестивальға Батыс Қазақстан облысының, Ресей Федерациясының Самара және Тольятти қалаларының көру қабілеті бұзылған балалары қатысып, өз өнерлерін ортаға салды.

Фестивальдің басты мақсаты - әртүрлі аймақта тұратын балалар арасындағы достық пен жақсы қарым- қатынасты нығайту.

Фестиваль аясында қатысушылар облыс орталығындағы мұражайларға саяхат жасап, зияткерлік сұрақтарға жауап беріп, өз өлкелерінің тарихымен танысты.

Фестивальдің екінші күні Наурыз мерекесі тойланды.

Әсемдікке толы шығармашылық  ертеңгілікте ұлттық өнерімізбен дәстүрлеріміз дәріптеліп, мектеп ауласында ұлттық және спорттық ойындармен жалғасын тапты.

Фестиваль - қатысушы ұландарға ұмытылмастай әсер қалдырды.